Менә тагын ямьле җәйләр узып китте, бакчадагы кошлар да сине сагынып мәктәпкә чакыра. Бүген без — Дәү әтиеңбелән икебез дә — йөрәгебезнең иң түреннән чыккан иң җылы сүзләребезне сиңа юллыйбыз. 1 сентябрь — Белем көне уңаеннан чын күңелдән котлыйбыз сине!
Син инде үстең, зур үстең, акыллым. Безгә караганда да бәхетлерәк буын булсын дип, без сине бары тик «4»ле һәм «5»ле билгеләренә генә укырсың дип ышанабыз. Зинһар, ялкауланма, тырыш. Укытучыларыңның һәр сүзен колагыңа киртләп бар, өлкәннәрне хөрмәт итәргә өйрән. Син бит нәселебезнең горурлыгы, өмете.
Сиңа ныклы сәламәтлек, зиһен һәм сабырлык телибез. Юлларың һәрвакыт уң булсын, аркаңдагы букчаң авыр тоелмасын. Дәфтәрләрең чиста, язуларын матур булсын. Мәктәптә яңа дуслар табарсың, кызыклы китаплар укырсың, төрле фәннәр серенә төшенерсең.
Без исә сине һәрчак көтеп алачакбыз. Кайтып керүеңә тәмле-тәмле ризыклар пешереп торырбыз, арыганнарыңны бетереп, киңәшләребезне биреп ярдәм итәрбез. Ә кичләрен бергәләп өй эшләрен карарбыз, син сөйләгән яңалыкларны тыңларбыз.
Беренче кыңгырау сине шат көлүләргә, укуга рухландырсын. Ак бәхетләр сиңа, наным! Яратабыз, сагынабыз, горурланабыз!
Дәү әниең һәм Дәү әтиең
🔊 Тыңлап карагыз
Прослушайте произношение поздравления
/
0:00
Добавить комментарий